आम्ही असा विचार केला की मोठ्या प्रमाणात रक्तगट तपासणी करून प्रत्येकाची यादी बनवावी आणि वार्ड वाईज लोकांची रक्तगट नोंद यादी उपलब्ध करून द्यावी. यामुळे रक्तदानाची वेळ येईल तेव्हा ज्यांना कुणाला रक्त पाहिजे असेल त्यांनी आपापल्या भागातीलच लोक रक्तगट मिळाल्यामुळे रक्त मिळणं सोपं होईल हा त्यामागचा दृष्टिकोन होता. त्यावेळी आम्ही दोन-तीन मोठे रक्तगट तपासणी कार्यक्रम आयोजित केले आणि त्याच्या माध्यमातून यादी मोठी बनवली होती. ही यादी अनेक वर्ष आम्ही वापरत होतो. ज्या कोणाला रक्त पाहिजे त्यांना त्यातील नेमके कुठला रक्तगट पाहिजे तो पाहून आम्ही योग्य व्यक्तीचा संपर्क करून देत होतो.

आता कायदे बदलले, थेट रक्त काढून रुग्णाला रक्त चढवणे बंद झाले आणि रक्त पेढीतूनच रक्त घेणे बंधनकारक झाले. त्यानंतर आम्ही रक्तदान शिबिर चालू केली आणि त्या रक्तदान शिबिराच्या माध्यमातून रक्तपेढीमध्ये रक्त देणे चालू केले. यामुळे समाजाला जी रक्ताची गरज असते ती भागवता यावी या दृष्टीकोनातून आमचा सातत्याने प्रयत्न असतो.